O tema FACAO contina... y contina con a declarazión en os chuzgaus de Fraga d'Artur Quintana i Font, presidén d'a Iniciativa Cultural de la Franja -entidat que arrocla os esferens zentros d’estudios d'a Francha- antimás de Doctor en Filolochia Romanica, miembro de l’Institut d’Estudis Catalans, academico d'onor de l'Academia de l’Aragonés y miembro d'o Comité d’Onor d'o Rolde d’Estudios Aragoneses.

Os meyos aragoneses, embolicaus con a Expo, Gran Scala y o nuebo trescole de l'Ebro, parix que -por l'inte- no han feito guaire caso ta ista grau enrestida chudizial. D'atra mán, parix que os cataláns si que'n han feito:

Agència Catalana de Notícies (17/04/2008 )
Televisió de Lleida (17/04/2008 )
TV3 (17/04/2008 )

Toda la informazión sobre as enrestidas d'a FACAO en contra d'a chen que esfensa o catalán en Aragón podez trobar-la en o blog:
locacaodelafacao.wordpress.com

locacaodelafacao.wordpress.com

“Güe, 6 de marzo de 2008, ha estau un diya espezial, porque grazias ta os blaveros d’a Francha emos conoxiu o mondongo de l’estau. Fa un tiempo denunziemos en poblico que Facao yera un cuco d’a estrema dreita biolenta en a Francha.

No en febamos porque ellos piensen diferén que no nusatros sobre a luenga aragonesa. En denunziemos porque han promobiu a biolenzia, han feito manifestazions con partius d’estrema dreita, s’arroclan con atras collas biolentas y han pertenexiu a partius que reniegan d’os menimos prinzipios democraticos.

No yera una fateza. As consecuenzias d’ixa denunzia son, por l’inte, que nusatros emos sufriu un prozeso chudizial, una detenzión a mans d’a polizia, un estanza en a garchola y a confiscazión por tiempo indeterminau de mobils y informazión presonal. Agora yera a millor oportunidat ta esfender a nuestra denunzia poblica y la faigamos plegar a toz os puestos an quieren que mos callemos.”

Endavant! Entabán!
[O nuestro refirme y solidaridat con os compañers que permenan as enrestidas aculturals d'a FACAO]